بلوچستان کے علاقے پشین میں باپ نے فائرنگ کرکے اپنے بیٹے کوقتل کردیا جبکہ ژوب میں ایک لاش برآمد ہوگئی ہے۔
آمدہ اطلاعات کے مطابق پشین میں گھریلو ناچاقی کی بنیاد پر باپ نے فائرنگ کرکے بیٹے کو قتل کردیا۔
تفصیلات کے مطابق پشین کے نواح میں واقع کلی تراٹہ پہلوان گلی میں گھریلو ناچاقی کے بنیاد پر محمد امین نامی شخص نے فائرنگ کرکے اپنے بیٹے سمیع اللہ قوم رودی علی زئی کو قتل کردیا۔
مقتول کی لاش سول اسپتال لانے کے بعد ورثاء کے حوالے کر دی گئی۔
دوسری جانب ژوب کے علاقے سمبازہ سے مقامی انتظامیہ کو ایک نامعلوم شخص کی نعش ملی جس کو تحویل میں لیکر ہسپتال منتقل کردیا گیا۔
نعش ضروری کارروائی کے بعدشناخت کے لئے مردہ خانے میں رکھ دی گئی ہے۔
مزید کارروائی مقامی انتظامیہ کررہی ہے۔
