بے وفایں ھمراہ ءِ نام ءَ – عابد نواز

ما ءُ تو گُلزمین گُلزمین کُت ءَ
ساہ ءُ سر زند ءِ زند تب دُرس یک ۓ اَت
ما ءُ تو ھور جُنزیتیں
ترا کتاب گوں اَت اں
من ءَ تئ سوج ءُ پنت
تو راہ کشت پہ من ءَ
من راہ راوان اَت اں
نہ زان اَں چے تو جیڑیگ
چے تو ماریتگ
من تو یکیں کوٹی زندگی سلا کُتگ
تو درس داتگ
علم ءُ زانگ ءِ
سینچ ءُ رنگ زمانگ ءِ
گُلزمین ءُ راج گُشتَگ اَت
تو بیل ءُ یار سنگتی ۓ نام گپتگ اَت
نہ زان اں چے تو جیڑیتگ
چے تو ماریتگ
بَلے………!
پَشل پنت سوج ءُ کسہّاں وتئ
من ھوشکتگ تو راہ مٹیتگ
تو یَل کُتگ مرچاں سنگتی
تو شموشتگ راج ءُ گُلزمین
تو بے سماہ چہ۔ راست ءُ چّپ ۓ راستی ءَ
تو علم گار کُتگ اوار گوں کاگداں گیدی ۓ
تو رُژن ٹپتگ درتگیں شالے ءَ
تو بالواں گوں زھر گپتگۓ
تو بیگاہ ءِ کوش ھم شیگان پِر کُتگ
تو زِر نہ ماریتگ ھِچ وڈ ءَ
نہ زان اں چے تو جیڑیتگ
چے تو ماریتگ
بَلے…….!
بَلے من ھنگا وداری اں