بیا کہ سرگِرگ لوٹیت
کوه ءُ گِریشگ ءُ وڈّاں
در پہ در بَیگ لوٹیت
باز پند بُرگی اِنت
مارا هم سپر لوٹیت
دوست ءُ یار چارگی اِنت
درد ءُ رَنج مارگی اِنت
جنگ مئے سر ءَ اتکگ
ساه ءُ سر نہ چارگی اِنت
وهد بس ھمیشں اِنت کہ
دیم پہ دیم بَیگ لوٹیت
گوں لگور ءُ بدواھاں
پرچا دور ءُ گِستائے
شِنگ ءُ شانگ ءِ چے متلب
آس روکیں هر لوگ ءَ
کس ءَ کسی گم نیست اِنت
بانُکیں گْوھارانی ، چم ءِ ارساں کئے چاریت ؟
چورھیں زھگانی سر ءَ
کئے سماریت دستاں ؟
تو وت ءَ سرے کشّ ئے
من وت ءَ سرے کشّ آں
سوچ اے وڑیں زند ءَ
مارا کِرد هچ نیست اِنت
وهدے یک تپاکی ءِ
دل پہ دل بَیگ لوٹیت
اِشک گوں وتن مات ءَ
سِتک ءُ دل کنگ لوٹیت
بونژ اے بر ءَ مارا
ریگزار دارگی اِنت
هون ءِ هار آرگی اِنت
پند کموکے دیم ءَ
انگت ءَ برگ لوٹیت
پہ وتن مِرَگ لوٹیت
آجوئی گِرگ لوٹیت
آجوئی گِرگ لوٹیت
