بلوچ آزادی پسند رہنما اور بلوچستان لبریشن فرنٹ کے سربراہ ڈاکٹر اللہ نذر بلوچ نے سماجی رابطے کی ویب سائیٹ ٹیوٹر پر اپنے ٹیوٹس کی سیریز میں لکھا ہے کہ
اقوام متحدہ کو چاہیے کہ وہ پاکستانی فوج کے خلاف کارروائی کرے اور اسے مکمل استثنیٰ کے ساتھ مستقل طور پر ڈھٹائی سے انجام دینے والے کاموں کا جوابدہ بنائے۔
ایک اور ٹیوٹ میں انہوں نے کہا ہے کہ ”ہم اقوام متحدہ کے سیکرٹری جنرل سے اپیل کرتے ہیں کہ بلوچستان میں فیکٹ فائنڈنگ مشن بھیجے۔ یہاں صورتحال بلقان کی ریاستوں، روانڈا سے مختلف نہیں ہے۔ بلوچستان کو انسانی بحران کا سامنا ہے“۔
ڈاکٹر اللہ نذر بلوچ نے لکھا ہے کہ”آزادی ہر فرد یا قوم کا پیدائشی حق ہے۔ بلوچ اپنی قومی آزادی کے لیے جدوجہد کر رہے ہیں لیکن پاکستانی فوج نے جنس یا عمر کی تفریق کے بغیر بلوچوں کو غائب کر کے جنگ کی تمام سرخ لکیریں عبور کر لی ہیں۔