بلوچستان کے ضلع کیچ کے علاقے دشت میں پاکستانی سیکورٹی فورسز کی فائرنگ کے نتیجے میں خاتون سمیت 2 افغان مہاجرین ہلاک ہوگئے۔
علاقائی ذرائع کے مطابق ضلع کیچ کے علاقے دشت میں آج بروزاتوار کوصبح فائرنگ کا واقعہ پیش آیا ہے۔
ذرائع کا کہنا ہے کہ سیکورٹی فورسز نے ایک گاڑی کو رُکنے کا اشارہ کیا لیکن گاڑی نہیں رُکی جس پر سیکورٹی اہلکاروں نے فائرنگ کردی جس سے ایک خاتون سمیت 2 افراد ہلاک ہوگئے۔
ہلاک افراد افغان شہری بتائے جاتے ہیں ۔
فائرنگ سے دو افراد زخمی بھی ہوئے ہیں جنھیں قریبی اسپتال پہنچا دیا گیا۔
