دُزّاپ ءِ شھیدانی نام ءَ | میجر مجید

0
161

( رم لچہ )

گِھ بُن اِنت، چابھار بُن اِنت

ءُ مکّھیں دُزّاپ بُن اِنت
درچک ءُ دار زاگیں جوھان مئے بُن اِنت
تیر گْوار اَنت چو بھار میچیں دْرداں
ھون شنز اَنت چو رگام ءَ ھر گْور ءَ
میر رھیم زردکوھی ءِ بازار بُن اِنت
مھر نھاد یاکوب ءِ میتگ
ءُ ھلک ءُ دیار
دادشاہ ءِ نیلگ ءِ شھکور بُن اِنت
ھاش ءِ مریم شیرزال ءِ جھد انگت زندگ اِنت
گوں پرنگاں جنگ ءِ کسّہ راج ءِ مُھریں چیدگ اِنت
آجوئی پُلّیں شھیداں سد سلام
دینی رھشون سرمچاراں سد سلام
آجوئی ءِ کاروان ءَ سد سلام
پُلّیں ورنا کودک ءُ مات ءُ گْوھاراں سد سلام
رُژن شوھاز اَنت تھار ماھیں شپاں
ھون ءِ کندیل روک کنوکاں سد سلام
پہ مڑاھے مرگ ءِ وش آتک ءَ شُت اَنت
لجّ ءُ ننگ ءِ ھاتر ءَ پُلّیں سر اِش کُربان کُت اَنت
آکبت ھوناں تئی پُلّے رُد اِیت
جاہ جنت آشوب ءِ دْرچکے
ناڑ کشّ اِیت آجوئی ءِ گْواڑگے
ناڑ کشّ اِیت آجوئی ءِ گْواڑگے

***

LEAVE A REPLY

Please enter your comment!
Please enter your name here