پاکستان کے صوبہ سندھ کے مرکزی شہر کراچی کے علاقے اردو بازار سے جمعہ کی شام کو بلوچی ادبی کتب چھاپنے والے ادارے”علم وادب پبلشرز کے مینیجر لالہ فہیم بلوچ کو پاکستان کے قانون نافذ کرنے والے اہلکار اپنے ساتھ لے گئے۔
عینی شاہدین کے مطابق سندھ پولیس کے موبائل گاڑی میں دو سندھ پولیس کے اہلکاروں کے ساتھ ساتھ ماسک پہنے سادہ کپڑوں میں ملبوث دو اہلکاروں نے فہیم بلوچ سے پوچھ گچھ کی اور بعد میں ان کی دکان بند کرواکر اپنے ساتھ پولیس موبائل میں لے گئے۔
واضع رہے کہ علم وادب پبلشرز پاکستان کی سطح پر ایک معروف پبلشنگ ہاؤس ہے جہاں بلوچی ادب اور زبان پر تحقیقی کتابیں شائع کی جاتی ہیں۔
