مسلح افراد نے آواران میں فورسز کے چوکی پر حملہ کیا ہے۔
تفصیلات کے مطابق گذشتہ روزمغرب کے وقت کولواہ کے علاقے بلور کے مقام پر قائم پاکستانی فوج کے چیک پوسٹ پر مسلح افراد نے جدید اور خودکار ہتھیاروں سے حملہ کیا ۔
اطلاعات کے مطابق اس حملے میں فوج کو جانی نقصان کا سامنا رہا ہے تاہم حملہ آور فرار ہونے میں کامیاب ہوگئے ۔
واضح رہے کہ ماضی میں اس طرح کے حملوں کی ذمہ داری بلوچ آزادی پسند تنظیمیں قبول کرتے آرہے ہیں تاہم اس حملے کے ذمہ داری تاحال کسی تنظیم نے قبول نہیں کی ہے۔
چوبیس گھنٹے کے اندر فورسز پر یہ تیسرا حملہ ہے اس سے پہلے فورسز کو کیچ کے علاقے مند میں بھی نشانہ بنایا گیا تھا۔
