بلوچستان کے دارلحکومت کوئٹہ کے علاقے نواں کلی میں مسلح افراد کی فائرنگ سے ایک شخص ہلاک ہوگیا جبکہ دالبندین سے ایک شخص کی لاش برآمد کرلی گئی ہے۔
ذرائع کے مطابق کوئٹہ کے علاقے نواں کلی میں نا معلوم افراد فائرنگ سے ایک شخص ہلاک جبکہ دوسرا زخمی ہو گیا۔
لواحقین کا دعویٰ ہے کہ فائرنگ ہمیں سندھی سمجھ کر کی گئی،ہم بختیار آباد سبی کے رہائشی،مغیری بلوچ ہیں، سندھی اور پشتونوں کے جنگ میں ہمیں کیوں مارا جارہا ہے۔
دوسری جانب دالبندین شہر کے قریب سے ایک شخص کی لاش برآمد ہوئی ہے۔
لاش کو طبی معائنہ اور شناخت کے لئے ڈی ایچ کیو پہنچا دیا گیا۔
لاش کی شناخت محمد رمضان ولد محمد مراد سکنہ دالبندین دیہی علاقہ ہوکی سے ہواہے۔
تاہم ہلاکت کے محرکات سامنے نہیں آسکے۔
