پاکستان کے وزیر داخلہ شیخ رشید نے کہا ہے کہ افغانستان میں رونما ہونے والی سیاسی صورتحال کے بعد بھارت کو منہ کی کھانی پڑی ہے۔
انہوں نے کہا کہ کابل میں بھارتی قونصل خانے اسلام آباد کے خلاف استعمال ہورہے تھے۔
شیخ رشید نے کہا کہ بھارت سی پیک کے خلاف سازشوں میں ملوث ہے جو تحریک طالبان پاکستان اور بی ایل ایف کو استعمال کررہا ہے۔
انہوں نے کہا کہ پاکستان پر مہاجرین کا کوئی بوجھ نہیں ہے، حالیہ پانچ دنوں میں چمن کے راستے سے بزنس میں اضافہ ہوا ہے۔
شیخ رشید کا کہناتھاکہ پاکستان براہ راست افغانستان کے کسی مسئلے میں ملوث نہیں،آئندہ چند روز میں وزیر اعظم عمران خان افغانستان کی سیاسی صورتحال پر قوم سے خطاب کریں گے۔
