آزمانک – منی ءُ ھمراھانی سر ءَ اُرش ۔۔ نبشتہ کار, شیھک شاہ

سپر اَت ما روان اِت ایں ءُ پنچ سنگت اِت اِیں گپ ،کندگ ءُ مزاک کنان اِت اِیں
سنگتے ءَ گُشت باریں شُمئے ھیال ءَ پیسر ءَ مئے تَہ ءَ کے شھید بیت ۔۔؟
دومی سنگت ءَ درائینت جگر ھچ زانگ نہ بیت بوت کنت ما شُما اِے پنچیں سنگت یکجاہ شھید بوت ایں پد ءَ سیمی سنگت ءَ کند اِت ءُ گُشت زاناں شُما مرچی مِرگ ءَ روگ ءَ اِت چُشیں گپ کن اِت ۔۔؟
چارمی سنگت ءَ گُشت مارا لگور بوگ ءِ ھچ ارادہ نیست ۔۔!!!
ما زندگ بئیں پہ راج ءَ مِر اِیں ھم پہ راج ءَ ما پہ آزاد بلوچستان ءِ آزادی ءِ واستا شھید بوگ ءَ تَیار ایں کُجام ھم وھد ءَ ما دُژمن ءِ سر ءَ اُرش کن ایں دُژمن مئے سر ءَ۔۔۔۔!
سنگتے ءَ گُشت ھاں شیھو تو ھاموش ئے ھچ نہ گُش ئے ۔۔؟
جیڑگ ءَ آں کہ انچیں دیوانگانی ھمراھاں کہ ملکموت ءَ وت داوت دے اَنت ،کندان اَنت ءُ وتی ساہ ءُ سر ءَ دے اَنت ءُ نمیران بوگ ءَ ساڑی اَنت ،من شُمئے سر ءَ پھر بنداں منی پُلواں مُدام سلامت بات اِت۔۔۔۔!
سنگتے ءَ گُشت شے تو مرچی شَیرے بہ وان سپر چُش نہ کُٹ اِیت پند سک دراج اِنت من کند اِت گُشت منی شَیر زاناں تئی منزل ءَ نزیک کنت پد ءَ دُراھیں سنگتاں کند اِت من وتی شیرانی دپتر کش اِت داں چیزے بہ وان آں، تیراں توار کُت بُرزیں کوہ چہ دری زُبان ءَ کسے ءِ توار کُت۔۔
"اپنے اپنے ھتیار پیھنکو خود کو ھمارے حوالے کردو” سنگتے ءَ گوں بُرزیں گالوارے ءَ گُشت مارا ماتاں اِے سوج نہ داتگ پد ءَ ما دُرستاں کند اِت ءُ سنگر گپت ءُ دُژمن ءِ سر ءَ اُرش کُت دوئیں نیمگ ءَ داں سے ساھت ءَ تُرندیں جنگ ءُ چوپ یکشلہ برجاہ اَت دُژمن ءِ بازیں کارمند مُرت ءُ ٹپی بوت ، دُژمن ءِ کُمک ءَ چہ تربت ءَ دو ھیلی ھم سر بوت نوں ما سنگت یک یک ءَ دراھان بوت ایں ما سے سنگت یکجاہ بوت ایں در کپت ایں دومی روچ ءَ ما جاھے سر بوت ایں ءُ دامگ/نٹورک گپت کیچ ءَ یک گُھارے ءِ سر ءَ پون کُت گُھار ءَ ھِسکگے جت ءُ گُشت تربت ءِ سیول ءَ دو بلوچ راج ءِ سرمچاریں پُسگانی لاش اِیر۔