اے نبشتانک اردو زبان ءَ اَت۔ مئے یک جْوانیں لبزانکی سنگتے ءَ پہ من دیم دات۔ من ونت ءُ من ءَ سک دوست بوت۔ دل ءَ پنت دات کہ اے نبشتانک ءَ بلوچی ءَ رجانک بہ کناں ءُ چمشانکے بہ دیان ئِے۔ پرچا کہ اے نبشتانک گوں بلوچ ءِ لبزانکی جاوراں ھمدپ اِنت۔ نبشتہ کار ءِ نام مجاھد ھُسین اِنت۔ چہ نبشتانک ءَ زانگ بیت کہ مجاھد ھسین لبزانکی سرپدیں پٹ ءُ پولکارے۔
لاتینی زبان ءَ نمک بزاں واد ءَ
Sla
گْوش اَنت۔
دیمتر ءَ ھمے لوز
Salt
گْوشگ بیتگ۔ چوش کہ آ زمانگ ءَ نمک بزاں واد کیمتی چیزے بیتگ بازیں ھند ءُ دمگاں پکار یا ماجب ءِ بدل ءَ برے وھدے نمک ھم دیگ بیتگ۔
ھمے سوب اِنت کہ پگار بزاں ماجب
Salarium
گْوشتگ اِش۔
پرانسی زبان ءَ ماجب
Salaire
ءُ انگریزی ءَ
Salary
گْوش اَنت۔
ھمے لبز ءَ سپر کُتگ ءُ تاں جاپان ءَ سر بیتگ۔ بلے جاپانیاں اے لوز ءَ را
Salariman
بزاں ماجب گروکیں مھلوک۔
ھما مردم کہ نوکری کنت ءُ ماجب گیپت۔ بلے اے کُلّیں لوزانی بُن چمّگ یا بْن زہ
Sla
بزاں کہ نمک ءَ زیرگ بیتگ۔ اے لوز ءَ کہ ھر ملک ءَ سپر کُتگ وتی رنگ ءُ دْروشم ئِے بدل کُتگ۔ بلے لوز ھما یکّیں
Sla
اِنت۔
بلے ھمے لبز ھر جاہ ءَ بیتگ وتی مانائِے مٹ نہ کُتگ۔ انگریزی زبان ءَ 60 درسد لوز لاتینی اَنت۔ بلے گیشتر چہ پرانس ءِ زبان ءِ برکت ءَ۔ ھمے داب ءَ اردو ھم چہ پارسی ءُ اربی ءِ لوزاں چکار اِنت۔ اد ءَ دگہ درورے دلگوش کن اِت ۔ سیزدھمی سدی ایسوی ءَ پرانسی زبان ءَ لبز
Nice
ءِ مانا اھمک بیتگ چیزے وھد ءَ پد
Nice
ءِ مانا بدل بیتگ ھمے لبز
Nice
ءِ مانا بزدل یا لگور زانگ بیتگ۔
ھبدھمی سدی ءَ اے لبز ءِ مانا (نفیس) جوڑ بیتگ ءُ ھژدھمی سدی ءَ اے لوز ءِ مانا دلکش ءُ مروچی
Nice
بیتگ۔
Nice
بزاں جْوان ءُ شَر۔
Nice
ءِ بزانت ءَ شُما کُل سرپد اِت۔ اے لوز بلاھیں سپرے ءَ چہ پد وتی اسلی دْروشم ءَ سر بیتگ۔
سیمی درور دلگوش کرز اِنت
انڈویوروپین زباناں پت ءِ واست ءَ
Pəter
کارمرد کنگ بیتگ۔
پرتگیزی اے لوز ءَ
Pai
گْوش اَنت۔
لاتینی ءُ ھسپانوی اے لوز ءَ
Padre
ءُ انگریز
Father
ءُ پارسی ءَ پِدَر ، ھندی پتا ءُ بلوچی ءَ پِس یا پِت گْوشگ بیت۔ اے درورانی دیگ ءِ مول ءُ مُراد ایش اِنت کہ زندگیں زبان کْوھنیں زبان پراہ ءُ شاھگانیں زبان وتی گال گنج ءَ وت تمرد ءُ پزّور کنت۔ وتی گال گنج ءِ ھزانگ ءَ چہ دُرّیں گالاں چکار کنت۔ ءُ تمردیں زبان اندگہ زباناں چہ لوز زیر اِیت ءُ وت ھم لوز دنت۔ ءُ زبان ءِ زگر کنگ ءِ ھَوَس یا تنک نزری زبان ءَ تاوان دنت یا کہ زبان ءَ کُبل ءُ کلیت کنگ ءِ سوچ زبان ءَ سک مھدود کنت۔ زبان ءَ پہ دیمروی ءَ کمک کت نہ کنت۔ ممکن اِنت کہ اے کار تئی جوش ءُ جزبہ ءِ ترجمانی ءَ بہ کنت بلے اے کار زبان ءِ دیمروی ءِ دیم ءَ بلاھیں اڑنگے بیت۔ تئی لبزانکی جھد ءِ سوبمندی ءَ دار اِیت۔ زبانانی اندر ءَ برے وھدے دری لوز انچو جاگہ کنت کہ آ دری زبانے زانگ نہ بیت۔ اگاں یک انگریزی لوزے بلوچی زبان ءَ رواج گپتگ ءُ تئی زبان ءَ وتی کُتگ تئی گال گنج ءَ ھور بیتگ گُڑا آ لبز زوراں سری بدل کنگ نہ بیت۔ لوزانی بدل کنگ بے نپیں کارے۔ گُڈ سر ءَ ھمے نوک جوڑ کُتگیں پد ءَ گار ءُ بیگواہ بنت۔
پہ درور۔
انگریز گْوش اَنت
Mother
بلوچ ھم گْوش اَنت مادر یا مات
، Father
پِت
، Egg
ھیک۔
Leg
لنگ
، Line guard
بلوچ گْوش اَنت لینگاٹ۔ دگہ چشیں درور باز اَنت۔ دنیا ءِ بازیں زباناں ھمدپیں لوز ھست۔ بلوچی زبان ءَ اربی لوز، کْوھنیں پارسی لوز، کُردی لوز باز ھست۔ اے لوزانی در کنگ زبان ءَ تاوان اَنت۔ بلے ھما لبز کہ تئی زبان ءَ کبول کُتگ اَنت۔
یات بہ دار اِت کہ لبز ایکسرے
xray
مولانا زپر الی ھان ءَ عکس ریز گْوشتگ۔چونائی ءَ ھیرت بہ چار ئے اے لبز پہ ایکسرے ءِ واست ءَ کارمرز کنگ ءَ یکّ ءُ ٹِکّ اِنت ءُ اے لوز پہ ایکسرے ءَ کارمرد کنگ بیتگ بزاں کہ زبانانی اندر ءَ گال سازی ھست بلے ھر کسی پہ دیم گالسازی مھلوک ءَ یا راج ءَ سربتگ کنت۔ باید اِنت لبزانکی ادارہ اے کار ءَ بہ کن اَنت۔ زبان ءَ کید ءُ بند پرنیست۔ زبان وتی واجہ وت اِنت۔ زبان تچوکیں چمّگ اِنت کہ ھُشک نہ بیت۔ زبان ادیب ءُ شائر ءِ کید ءُ بند ءَ نہ اِنت۔ ءُ ادیب ءُ شائر ءِ دیم ءَ سر ءَ جھل نہ کنت پیش سلام نہ بیت۔ لبز لبزانی ھمبار روت ءُ وت ءَ جاگہ دنت۔ زبان وتی نمائندگی ءَ وت کنت۔ زبان شائر ءُ ادیب ءِ چمدار نہ اِنت۔
دلگوش :۔ ایشی ءِ مول ءُ مُراد اے ھم نہ اِنت کہ بلوچی نبشتانک چہ انگریزی، اردو ءُ پارسی ءُ دری زباناں سر ریچ بہ بیت۔ ھما جاہ ءَ کہ دری زبان ترا پکار اِنت گُڑا آ لبز ءِ کارمرد کنگ گُناھے نہ اِنت۔ نَے کہ تئی زبان ءَ پولنگ ءُ نابود کنت۔
***
