اوباڑہ میں سندھ سباہ لانگ مارچ کے قافلے پر پولیس اور رینجرز کا دھاوا۔ رہنماؤں کو ہراساں اور گرفتار کرنے کی کوشش۔ لانگ مارچ کے شرکاء کا احتجاج، مزید تنگ کیا گیا تو سپر ہائی وے بلاک کریں گے، رہنما سندھ سباہ
دریں اثنا سندھ سباہ کے رہنما انعام عباسی نے اپنے ایک وڈیو پیغام میں کہا ہے کہ سندھ سباہ کے تمام ضلعی صدر کل صبح لانگ مارچ پر ریاستی اداروں کے حملے کیخلاف پْر امن احتجاج کریں۔ مزید انہوں نے کہا کہ اس فیڈریشن میں عدالت ہے نہ ہی انصاف ہے، پولیس اسٹیبلشمنٹ کی رکھیل ہے۔ پارلیمنٹ کی حالت بھی سب کے سامنے ہے۔
بڑے بڑے جلسے ہورہے ہیں وہاں کسی کو کوئی مسئلہ نہیں مگر ہمارے چند لوگوں کے قافلے سے انھیں کورونا کے پھیلنے کا اندیشہ ہے۔ جیسے ظلم بڑھے ویسے ہی ردعمل بھی سامنے آئے گا۔ خفیہ ادارے خود کو آقا اور قانون سے بالاتر سمجھتے ہیں۔ ہم رکیں گے نہیں اپنا کام جاری رکھیں گے سندھی قوم انھیں خود جواب دیگی۔
