آجــویئ مئے ایــمـــانیں بِـــیرَک بُـــرزیں بولانے
وھـد ے ھـونیں دستانیں بِـیــرَک بُـــرزیں بولانے
ندر زمین ے ساھ ءُ سراں بَنداں دراھیں راہ در ءَ
جنـــگ ءِ پــتـو رُمـــبانیں بِــیـرَک بُــرزیں بــولانے
وَنتگ راج ءِ نوکیں سراں درنگاں دیریں گُٹ گراں
گوستگ وھـد مئے نـادانـیں بِیــرَک بُــرزیں بولانے
روچــاں گرانـیں گوازیــناں زند ءَ دراھیں والیناں
رُژنے ھنــچـــیں چــمّانیــں بِیــــرَک بُــرزیں بولانے
بیــگواہ بــات ئے پاکستان رزواہ بـات ئے پاکستان
دستــی ھــر وھــد ھونانیں بِیــــرَک بُــرزیں بولانے
داد ءَ چــی تــو بکشاتگ سیاد ءَ چی تـــو بکشاتگ
ھــر کَــس تئی مـاں اُزرانیں بِیـــرَک بُــرزیں بولانے
