پی ڈی ایم اے بلوچستان نے حالیہ بارش اور برفباری سے نقصانات پر رپورٹ جاری کردی ہے۔
پی ڈی ایم اے کی رپورٹ میں بتایا گیا کہ بلوچستان میں شاہراہوں کو بحال کردیا گیا۔
بلوچستان میں حالیہ بارشوں کے دوران 5 افراد جاں بحق ہوئے، اموات خاران اور بارکھان میں ہوئیں۔
بلوچستان میں بارشوں سے 82 مکانات مکمل طور پر گر گئے، بارشوں سے 155 مکانات کو جزوی نقصان پہنچا، گوادر میں 70 مکانات گر گئے اور 130 گھروں کو جزوی نقصان پہنچا، کیچ میں 5 گھر مکمل طور پر گر گئے، 20 کو جزوی نقصان پہنچا،4 سڑکیں اور ایک پل سیلاب کی زد میں آئے۔
بلوچستان میں پی ڈی ایم اے کی جانب سے ریسکیو کا عمل جاری ہے۔
