بلوچستان لبریشن فرنٹ کے ترجمان میجر گھرام بلوچ نے میڈیا کو جاری کردہ اپنے ایک پریس ریلیز میں آواران میں پاکستانی فوج کے ایک اہلکار کی ہلاکت کی ذمہ داری قبول کرلی۔
ترجمان نے کہا کہ سرمچاروں نے آواران کے علاقے پیراندر، کنیرہ میں قائم قابض پاکستانی چوکی پر حملے میں ایک اہلکار ہلاک کیاہے۔
بیان میں کہا گیا کہ منگل کی شام چھ بجے کنیرہ پیراندر آواران میں بی ایل ایف کے اسنائیپر شوٹرز نے پہلے اسنائیپر سے نشانہ کرکے ایک اہلکار کو ہلاک کرنے کے بعد چوکی کو بھاری و خودکار ہتھیاروں سے نشانہ بنایا۔ حملے میں دشمن فوج کو مزید جانی و مالی نقصان پہنچا۔
میجر گھرام بلوچ نے مزید کہا کہ بلوچستان لبریشن فرنٹ اس حملے کی ذمہ داری قبول کرتی ہے اور اس عزم کو دہراتی ہے کہ بلوچ سرزمین کی مکمل آزادی تک دشمن کے خلاف سرمچاروں کے حملے شدت کے ساتھ جاری رہینگے۔
