رھچار پَتو کیچ ءِ دمگ
واتر بکن طارق یلیں
تئی پیمیں کمانانی روگ
گیدی ابیتک اِنت سک مئے
گپتگ تو جنگی سنگرے
بابا تئی کہ سنگت اَت
بیلی تئی پُلّیں جمیل
واتر بکن طارق یلیں
کیچ ءَ بدئے رنگے دگہ
آس ءِ بکن روک انچُشیں
دشمن پراموش بِھہ مہ بیت
طارق منی طارق منی
مرچی تئی یات اتکگاں
کمی ءَ تئی ما مار اِتگ
گْریویت پَتو تربو گُلیں
تمپ ءَ نہ بیتیں بے ترا
مشکے ابیتکیں تیوگ ءَ
گْورکوپ تئی رھچاری اِنت
مند ءِ دمگ ھچ وش نہ اِنت
دشت مہلبیں دلکش نہ اِنت
گنجیں بلیدہ وش نہ اِنت
ھوش ءَ شُتگ مئے بالگتر
پنجگور زُرتگ مُولماں
جنگیں مروچاں زامُراں
گوادر مدام گریت پہ ترا
شالءِ جگر کہ تْرک اِتہ
واتر بکن طارق منی
راجی کمان او شھسوار
رھبر منی او سرمچار
واتر بکن بس یک برے
کیچ ءَ تئی کہ کمی اِنت
کُلبر ترا لوٹیت مُدام
سوجے بدئےتو سنگتاں
چیر جنگی ءِ ریپک ءَ بگُش
واتر بکن طارق یلیں
شیہک ءَ یاتاں گپّ تئی
دیوان ءُ مجلس سرنکن ءِ
بے تو نہ بیت وش ساھتے
طارق منی طارق منی
واتر بکن طارق یلیں
