بانُک کریمہ بلوچ کئے اِنت؟ بانُک کریمہ کیچ ءِ دمگ تُمپ ءِ جاھمنند بوتگ۔ واجہ مھراب ءِ گِسءَ ودی بوتگ۔آئی ءِ مکھیں مات ءِ نام جمیلہ انِت۔ شھید ڈاکٹر خالد بلوچ ءِ گُھازتگ بوتگ شھید گُلام مھمد ھم بانُک ءِ نزیکیں مردمے بوتگ۔ بانُک ءِ چاگِرد چہ کودکیءَ آشوب چَکار بوتگ۔ بانُک چہ اُردی ءَ انکلابی پنت ءُ جنگی رپکّانی تھا رُستگ۔ بانُک ءَ سدّانی کچ ّءَ راجی سالونک کورگان داتگاں۔ بانُک ءِ کاروان ءِھم جُنز ءُ نزیکیں سیاد ءُ وارس 300 ءَ چہ گیش ورناہ ءُ کماش ءُ مات ءُ گُھار شھید کُتگ ءُ ماں یزیدی زندانھاں بُرتگ ءُ بندیگ کُتگ انَت۔۔۔بازیں راجی زمین پھاز ے جنگ ءَ تتکگ ءُ لگور بوتگاں بلے اے شیرزال ءَ یک روچے پدکنزی ءِ ھیال ھم دل ءَ نیارتگ۔
بانُک لبزانک ءِ پِڑ ءَ وتی درور وت بوتگ۔ نِبشتانک ءُ لچّہ شھید ءِ بے مسال انَت۔ وتی گُلزمین ءِ تمردیں راھشون ئے بوتگ ۔بانُک توسیپ ءُ ستاہ ءِ مُھتاج نہ انِت۔ بلوچ راجدپتر ءَ بانک لُمّہ ءِ نام دیگ بوتگ (مات )بلے مارا نَدّ لاچار کنت کہ بہ جُنز نبشتہ بکن۔
بانُک یک انچیں کِردے ءِ ساچِتگیں شیرزالی اَت بامرد ءُ شھسواری اَت۔ آئی ءَ وتی سرجمیں زِندمان پہ بلوچ ءُ بلوچستان ءِ درداں گوں گرْنچ داتگ اَت۔ بانُک پہ بلوچاں آشوبی بانداتے بوتگ۔ آئی ءَ پہ وتی راج ءَ ھر دابیں جیڑگ ءُ جنجالاں گوں جنگ داتگ ۔ آ گُلزمین ءِ انچیں دیوانگے بوتگ کہ دُژمن ءِ دیم ءَ چو تلار ءَ مُھکم بوتگ۔ ھیرامنڈی ءِ لجوزاں آئی ءَ بے کساس ءَ بیم ءُ پاتراپ دات۔ بانُک ءِ گِس ءَ چار رند ءَ لشکریاں گوں ٹوپ ءُ بمباں اُرش کُت گِس بمبار کُت انَت بلے کریمہ ءَ پدکِنزی کوپگاں نہ زُرت۔ بانُک پہ لشکر ءِ تُرسءَ دراں ڈیھ ءَ نہ رپت بلکیں چہ وتی کاروان ءِ نیمگءَ دیم دیگ بوت۔ آئی ءَ بلوچ توار ماں آزمان ءَ سر کنگی اَت۔ ریاستءِ چُک چینی ءُ زوراکی ءُ لُٹّءُ پُلّانی لڑّ یورپی مُلک ءُ آجوئیں ڈیھاں سرکُتگ ءُ وتی ھاک ءِ آجوئی ءُ بلوچانی ھَک ّءِ گپ جتگ۔
ھزارانی کساس ءَ بلوچ پاکستانی زِنداناں بندیگ اَنت ٹاچر ءُ ڈریل کنگ بوگ ءَ انَت۔ تیزابیں زھراں گوں جان اِش مانداشتگاں بندیگانی توار بُرز کُتگ۔ بانُک ءَ ھزارانی ھِساب ءَ کُربانی داتگ۔ بانُک کینڈہ ءَ بوتگ پاکستانی ریاست ءَ تُمپ ءَ آئی ءِ مردم سک ٹارچر کُتگ انَت۔ پدا آئی ءِ ناکو مات ءِ برات ماسٹر نور اھمد ءَ آوار جَن انَت۔ پاکستانءِ پندل سازیں لشکر بانُک ءِ سرینڈری ءِ لوٹ ءَ کن انَت پہ ماسٹر نوراھمد ءِ آجوئیءَ بانُک لشکر ءَ ھمے پسّو دنت کہ کُل بلوچستان ءِ پرزند منی براتاں منی ناکو چہ آ شھیداں شرتِر نہ انِت۔ من مرزبوم ءِ بازیں شھیدے کورگان داتگ تاں من زِندگاں واتر نباں پہ لگوری۔
مرچی کہ بانک کینیڈہ ءَ آوار جنگ بوتگ ءُ پدا آئی ءِ جون کینیڈہ ءِ شھر ٹورنٹو ءِ تیاب دپ ءَ دست کپتگ ۔اے تَژن گَپ انِت کہ یک آجوئیں ڈیھ ئے ءَ بلوچ پناہ گزین ایں راجی شیرزال ئے شھید کنگ بہ بیت۔ شھید ءَ لھتیں روچ ءَ پیسر ھم گُشتگ کہ پاکستان ءِ چیریں اِدارھانی کُچِکّ کینیڈہ ءَ آتکگ انَت تر ءُ گرد کنگ ءَانِت۔بِگندے من ءَ تاوان بہ دیاں۔ پدا کینیڈہ ءِ وڑیں مُلک ئے گام گیجے مہ زوریت اے چون۔؟؟؟
مرچی کریمہ بلوچ ءِ شھادت ءَ بالوّانی کاروان بے کِساس تاوان بار کُتگ بلوچءِ ھر گِس کورآس انِت۔ ھر دمَک ءُ دَر، کوہ ءُ جنگل ءُ دیار پہ بانُک ءَ دردیگ اَنت۔بلے پہ کُشگ بلوچ ءِ کاروان اُوشت ءِ آماچ نہ بیت۔دُژمنءِ اے پندل بے سوب انِت۔ بلوچ ءِ ھر زھگ بانُک کریمہ انِت۔ دہ سال پیسر ءَ بانُک ءَ ھزارانی کساس ءَ کریمہ ودی کُتگ۔ ھر جاہ ءَ کہ بلوچ اُوبادگے مانیت کریمہ ءِ درور منتگاں ءُ جنگجاہ ءِ سنگر اِش داشتگ اَنت۔ ھمے بلو چءَ تو پہ کُشت ءُ کوش آجوئی جنگ ءَ ایرموش کنگ لوٹ ئے کہ مَرگ ءِ شیدائی انِت، پہ شان وتا بمب بندیت تراک کنت۔ اے بلوچ ءِ کرا سوبمندی ءِ واب ءَ شموش۔ بلوچ راج ءِ سر ءَ تو ھر وڑیں زوراکیانی ھسار پروشتگ اَنت، بلے بلوچ روچ پہ روچ مُھکم بوان انِت۔
اگاں بلوچ تئی داب ءَ تئی سر ءَ کمو زوراکی بہ کنت۔ تو دومی روچ ءَ بلوچستان ءِ ھاک ءَ ولگوّج بئے۔ بلے بلوچ ءَ پہ وتا شات نہ بیت۔ بلوچ میارجلّیں راجے بلوچ زوراکے نہ انِت۔ زوراک ءِ پروش دیگ ءِ جنگ ءَ انِت۔ بلے نوں بلوچ تو سک لاچار کُتگ نوں بلوچ تئی سرجمیں شھراں دست ءَ مان کنت، پرچا کہ آپ نوں سر ءَ چہ گوستگ۔ پنجاب ءُ اسلام آباد ءُ لاہور ءُ سیالکوٹ ءَ ھوار کُلاں چو گوادر ءِ وڑ ءَ ٹٹانی تھا بندیگ کن پرچکہ پِدائی زیت ایرکپاں چو مہ بیت تو گوادر ءِ ٹٹاں گوں مان بہ گیش ئے تئی جِند ءِ لوگ پُر بہ باں۔ اے آس تو پہ سوبمندی ءَ جمبور کُتگ بلے بے سوب بوتگے بہ نِند نِدارہ کن بلوچ چون اے جمبوریں آس ءَ ساکم کنت۔ بلوچ ءِ سر ءَ تو ھر دابیں زُلم کُتگ بلے بلوچ ءَ تئی مھلوک ءَرا تاوان نہ داتگ۔ مئے لُمّہ کریمہ تو اَچ مار ءَ سِستگ نوں سِلاہ بندیں سرجمیں گَلّاں وتی جنگی رِپکانی تھا گیشی ءُ بدلی آورتگ۔ ما نوں انچیں جنگے بِندات کنئیں کہ تئی زمین ءِ سر ءَ نوں تو زانے کہ زوراکی چی ئے ۔
مروچی بلوچ ءِ جنگ ءِ توار یورپی مُلکے ءَ وتی بہ کُتیں گُڑا بلوچ ءِ زھرگ بچاراتیں۔ بہ کول شھید کریمہ بلوچ ھندونستان ءِوزاعظم نریندر مودی گوں کلوہ شکساتگ کہ تو بلوچ ءِ توار جوڑ بہ بو، بلوچ وتی جنگ ءَ وت بَڑّ ءَ بندیت۔ شھید بانُک کریمہ بلوچ ءِ رِتکگیں ھون تاوان نباں ۔ مئے دُھا اِنت پاکیں پروردگار بانُک ءَ جنت ءِ سارتیں ساھگاں جاہ بہ دنت آمین۔۔۔ بلوچ ءُ بلوچستان میزراتنت۔
