آشوبیں گواڈگاں انت بھاران کریمہ انت
بولان ءُ مکرانیں مئے سیستان کریمہ انت
بانوریں گلزمین ءِ وپاھانی پھر ءُ شان
نیلیں تیاب ءُ ڈیرو ءِ پاسبان کریمہ انت
اھد ءِ لگوراں ایمنی ماتیں بلوچے ھست
جنگ ءِ ھساریں توکل ءُ ایمان کریمہ انت
او گلزمین رنگ تی یاگی آں کئول کتگ
داں آجوئی مڑاں بیں ابدمان کریمہ انت
ھونانی ھاریں لیکھاں رژنے ودی کن انت
مئے زندمان ءِ چیدگیں دودمان کریمہ انت
جی پہ شھیدیں واھگ ءُ ارماناں زندگیں
ھاک ءِ زباد ءُ مھلب آں زرشان کریمہ انت
ھون شودیں بیرک ءَ بیا رژنا کن ایں بلوچ
اھدانی جنگجاہ انت نمیران کریمہ انت
شیر ءِ کپن گوں سھریں رنگاں بلیت ابد
پگر ءِ تلاھیں ملپداں شَھمان کریمہ انت