بلوچستان کے ضلع پنجگور کے علاقے چتکان بازار میں غریب آباد روڑ کے قریب نامعلوم مسلح افراد کی فائرنگ سے ایک شخص ہلاک جبکہ دوسرا شدید زخمی ہوا ہے۔
پولیس زرائع کے مطابق ہلاک ہونے والے شخص کی شناخت احمد اللہ اور زخمی کی شناخت عامر کے نام سے ہوئی ہے جن کا تعلق سریکوران سے ہیں۔
ذرائع کے مطابق زخمی شخص کو سول ہسپتال منتقل کردیا گیا ہے۔ مقامی ذرائع کے مطابق مذکورہ شخص کا تعلق ریاستی حمایت یافتہ کسی مسلح گرؤہ سے تھا۔ تاہم مصدقہ ذرائع سے اسکی تصدیق نہ ہو سکی ہے۔
دریں اثناء بلوچستان کے ضلع ہرنائی کے ہرنائی شہر میں نامعلوم افراد نے فائرنگ کرکے ایک شخص کو قتل کردیا ہے۔
مقتول کی شناخت سید زاہد شاہ ولد محمد گل کے نام سے ہوئی ہے، تاہم قتل کے محرکات معلوم نہیں ہوسکے ہیں۔
