تربت میں جسٹس فار شہید شاہینہ شاہین کمیٹی کی جانب سے شہید شاہینہ شاہین کے قتل کی مذمت اور قاتلوں کی گرفتاری کے لیے فدا شہید چوک پر دوسرے روز بھی دھرنا اور بھوک ہڑتال جاری رہا۔
کیمپ میں شہید شاہینہ کی تصاویر کے ساتھ ان کے بنائے گئے پینٹنگ بھی رکھے گئے ہیں۔
دوسرے دن ایچ آر سی پی کے ریجنل کواڈی نیٹر پروفیسر غنی پرواز کے علاوہ مختلف سیاسی جماعتوں کے رہنماو¿ں سمیت سماجی شخصیات، طلبہ و طالبات کی بڑی تعداد نے یکجہتی کے لیے کیمپ کا دورہ کیا۔
یہ بھی پڑھیں
کمیٹی نے شاہینہ بلوچ کی شہادت کو بلوچ سماج میں عورتوں کی آواز دبانے اور عورت کو پس منظر میں رکھنے کی مذموم کوشش قرار دیا۔
کمیٹی نے شاہینہ بلوچ کی شہادت کو 9 دن گزرنے کے باوجود قاتل کی عدم گرفتاری اور پولیس کی سست روی پر گہری تشویش ظاہر کی ہے۔
یہ بھی پڑھیں
واضع رہے کہ شاہینہ شاہین کو 5 اگست کو محرا ب گچکی نامی شخص نے قتل کر دیاجو شاہینہ کا شوہر بتایا جاتاہے لیکن اس کے پیچھے عورتوں کو سماج میں آگے بڑھنے اور انہیں اپنی تخلیقی صلاحیت کو آشکار کرنے میں روکنے کی ایک منظم مذہبی و ریاستی ذہنیت کارفرما ہے جس سے اب تک قاتل کو اس کے کئے پر چوٹ دیکر گرفتار نہیں کیا گیا ہے ۔
