بلوچستان کے دارلحکومت کوئٹہ سے آمدہ اطلاعات کے مطابق بولان میڈیکل کالج بحالی تحریک کے سلسلے میں طلبا کی جانب سے احتجاجاً شروع کیئے گئے چار روز سے جاری تادم مرگ بھوک ہڑتال کو آج ختم کردیا گیا۔
گذشتہ چار دنوں سے جاری تادم مرگ بھوک ہڑتال پر بیٹھے طلبا کی طبیعت تیزی سے بگڑ رہی تھی اور انکو آج چوتھے روز بھی ہسپتال منتقل کیا گیا تھا۔
بلوچستان کی قوم پرست جماعتوں سمیت دیگر نمایاں سیاسی شخصیات کی جانب سے طلبا سے تادم مرگ بھوک ہڑتال ختم کرنے کے لیئے بارہا اپیل کی گئی تھی۔
تاہم آج بی ایم سی بحالی تحریک کو حکومت کی جانب سے یقین دہانی کرائی گئی کہ انکے مطالبات تسلیم کیئے جائینگے اور 9 ستمبر کو کابینہ اجلاس میں ایکٹ میں ترمیم کیا جائے گا۔
بی ایم سی بحالی تحریک نے اس یقین دہانی کے پیش نظر تادم مرگ بھوک ہڑتال ختم کرتے ہوئے دھرنا جاری رکھنے کا اعلان کرتے ہوئے کہا کہ ہمیں ہمیشہ مذاکرات کے نام پر دھوکہ دیا گیا ہے، جب تک ایکٹ میں ترمیم نہیں کیا جائے گا ہمارا دھرنا جاری رہے گا۔
