بلوچستان میں اوتھل کے علاقے میں مکران کوسٹل ہائی وے پر ناکھٹی کے مقام پر کار اور مزدہ گاڑی کے درمیان خوفناک تصادم کے نتیجے میں ایک شخص موقع پر ہلاک جبکہ تین افراد زخمی ہوگئے۔
ہلاک ہونے والے شخص کی شناخت کہدہ اللہ بخش ساکن تربت کے نام سے ہوئی ہے۔
لاش و زخمیوں کو فوری طور پر ڈی ایچ کیو ہسپتال اوتھل منتقل کردیاگیا۔
ذرائع کے مطابق کہدہ اللہ بخش پاکستان پیرامیڈیکل اسٹاف ایسوسی ایشن ضلع کیچ کے سابق ضلعی چیئرمین رہ چکے تھے۔ وہ سعودی عرب سے عمرہ کی ادائیگی کے بعد کراچی سے بذریعہ روڈ اپنے اہلِ خانہ کے ہمراہ تربت آرہے تھے کہ فور ندی کے قریب پیش آنے والے حادثے میں ہلاک ہوگئے۔
اہلِ خانہ حادثے میں محفوظ رہے ہیں۔ مرحوم کی جسدِ خاکی اس وقت سول ہسپتال اوتھل میں موجود ہے۔
