بلوچستان لبریشن فرنٹ( بی ایل ایف) کے ترجمان میجر گہرام بلوچ نے اپنے ایک بیان میں ضلع خضدار کے علاقے اورناچ میں پاکستانی فوج کے قافلے پر حملے میں 6 اہلکاروں کی ہلاکت کی ذمہ داری قبول کرلی۔
ترجمان نے کہا کہ بلوچستان لبریشن فرنٹ کے سرمچاروں نے 9 جنوری کے دوپہر ایک بجے کے قریب اورناچ کراس، مرکزی شاہراہ پر گھات لگا کر پاکستانی فوج کے قافلے کو جدید اور بھاری ہتھیاروں سے نشانہ بنایا۔
انہوں نے کہا کہ فوجی قافلے میں شامل ایک گاڑی شدید حملے کی زد میں آیا۔ حملے کے نتیجے میں گاڑی میں سوار6 اہلکار موقع پر ہلاک ہوئے اور گاڑی کو شدید نقصان پہنچا۔
ترجمان نے مزید کہا کہ بلوچستان لبریشن فرنٹ اورناچ میں قابض پاکستانی فوج کے قافلے پر حملے میں 6 اہلکاروں کو ہلاک کرنے کی ذمہ داری قبول کرتی ہے۔
