بلوچستان کے ساحلی شہر اورماڑہ کے حدود میں بحرہ بلوچ میں فشریز کی گشتی ٹیم پر غیر قانونی فشنگ ٹرالر ز مافیا کے حملے کی اطلاعات ہیں ۔
آمدہ اطلاعات کے اورماڑہ کے سمندری حدود میں ٹرالر زمافیا نے فشریز کی ٹیم پر اس وقت حملہ کیا جب وہ گشت پر تھے ۔
ذرائع کا کہنا ہے کہ ٹرالرز مافیا کی جانب سے فشریز کی گشتی ٹیم پر فائرنگ سے 3 افراد کی زخمی ہونے کی اطلاعات ہیں ۔
اب تک اس واقعہ کی تفصیلات سامنے نہیں آسکیں۔
واضح رہے کہ بحرہ بلوچ میں حکومتی سر پرستی میں غیر قانونی فشنگ اور سمندری حیات کی بے دریغ نسل کشی گذشتہ 3 دہائیوں سے زائد جاری ہے جس کی تدارک کے لئے ماہیگیروں اور سیاسی تنظیموں نے متحریکیں بھی چلائیں لیکن بھتہ خوری اور حکومتی آشیرواد سے یہ سلسلہ ہنوز جاری ہے جس سے مقامی ماہیگیروں کوبیروزگاری اوردووقت کی روٹی کی حصول میں دشواری کا سامنا ہے۔
