بلوچستان کے ضلع خضدار کے مختلف علاقوں میں گزشتہ دو روز سے پاکستانی فوج کی جارحیت جاری ہے، جہاں اورناچ اور گریشہ میں فورسز کی بڑے پیمانے پر لشکر کشی کی بھی اطلاعات ہیں۔
گریشہ سے ملنے والی اطلاعات کے مطابق فورسز نے جارحیت کے دوران اب تک 7 افراد کو حراست میں لے کر نامعلوم مقام پر منتقل کیا ہے۔
جبری لاپتہ کئے گئے افراد میں عارف ولد گاجیان، زاہد بلوچ، بشیر بلوچ ولد ظاہر خان، ضمیر ولد عبدالواحد، سلیم بلوچ، ظہور بلوچ، اور فتح بلوچ شامل ہیں۔
ذرائع کے مطابق فورسز کے ہاتھوں حراست میں لیے گئے یہ ساتوں افراد تاحال منظرِ عام پر نہیں آسکے ہیں۔
واضح رہے کہ خضدار کے علاقوں گریشہ اور اورناچ میں بڑے پیمانے پر زمینی اور فضائی لشکر کشی کی اطلاعات ہیں۔
