بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں ہوشاپ و خاران حملوں میں پاکستانی فوج کے 5 اہلکاروں کی ہلاکت کی ذمہ داری قبول کرلی۔
ترجمان نے کہا کہ بلوچ لبریشن آرمی کے سرمچاروں نے ہوشاپ اور خاران میں دو مختلف حملوں میں قابض پاکستانی فوج کو نشانہ بنا کر جانی نقصان سے دوچار کیا۔
انہوں نے کہا کہ بی ایل اے کے سرمچاروں نے گزشتہ روز کیچ کے علاقے ہوشاپ میں قابض پاکستانی فوج کے مرکزی کیمپ کو راکٹ اور دیگر ہتھیاروں سے نشانہ بنایا۔ راکٹ لگنے سے قابض فوج کا ایک حفاظتی مورچہ تباہ ہوگیا۔ حملے میں قابض فوج کے دو اہلکار ہلاک اور متعدد زخمی ہوگئے۔
ان کا کہنا تھا کہ بلوچ لبریشن آرمی کے سرمچاروں نے گزشتہ شب خاران کے علاقے لجے میں شوآپ کے مقام پر قابض پاکستانی فوج کے اہلکاروں کو خودکار ہتھیاروں سے نشانہ بنایا۔ حملے میں قابض فوج کے تین اہلکار موقع پر ہلاک اور کم از کم تین مزید زخمی ہوگئے۔
بیان میں کہا گیا کہ بلوچ لبریشن آرمی مذکورہ حملوں کی ذمہ داری قبول کرتی ہے۔
