پاکستان کے دارلحکومت اسلام آباد میں سیکورٹی فورسز ہاتھوں طالب علم سعید بلوچ کی جبری گمشدگی کے خلاف بلوچ اسٹوڈنٹس کونسل کی جانب سے قائداعظم یونیورسٹی میں جاری دھرنے کو گذشتہ روز نودن مکمل ہونے پر طلبا بلوچ طلبا نے ایک امن واک انعقاد کیا۔
طلبہ کا کہنا ہے کہ وہ اپنے واضح اور جائز مطالبات کے لیے پُرامن اور منظم جدوجہد جاری رکھے ہوئے ہیں۔
کونسل کے مطابق ایک پُرامن واک کا انعقاد بھی کیا گیا جس کا مقصد یہ باور کرانا تھا کہ ان کی تحریک پرامن مزاحمت، اصولوں اور اجتماعی اتحاد پر مبنی ہے۔
طلبہ نے کہا کہ گزشتہ نو دنوں کے دوران ان کا عزم مزید مضبوط ہوا ہے اور ان کا مطالبہ ہے کہ یونیورسٹی انتظامیہ اور متعلقہ حکام ان کے مسائل کا فوری نوٹس لیں۔
مظاہرین نے کہا کہ ان کی تحریک حق کے لیے ہے اور ہر گزرتے دن کے ساتھ طلبہ کا اتحاد اور عزم مزید پختہ ہوتا جا رہا ہے۔
