بلوچستان کے ضلع کیچ کے علاقے ہوشاپ میں گذشتہ روز مقامی آبادی پر گولہ باری سے زخمی ہونے والی پانچ بچیوں میں سے ایک بچی زخموں کی تاب نہ لاتے ہوئے چل بسی۔
اسے تربت ٹیچنگ ہسپتال میں ابتدائی طبی امداد دینے کے بعد تشویشناک حالت کے باعث کراچی ریفر کیا گیا تھا جہاں راستے میں ہی اس کا انتقال ہوگیا۔
واقعہ کے خلاف متاثرین اور علاقہ مکینوں نے ایم 8 شاہراہ پر احتجاجی دھرنا دیدیا ہے جس کے باعث ٹریفک مکمل طور پر معطل ہو گئی ہے۔
دھرنے میں متاثرہ خاندانوں اور مقامی افراد کی بڑی تعداد شریک ہے ۔
مظاہرین نے بچیوں پر ہونے والے حملے کو سنگین انسانی المیہ قرار دیتے ہوئے ذمہ داروں کے خلاف فوری کارروائی کا مطالبہ کیا۔
انہوں نے کہا کہ معصوم بچوں کا زخمی ہونا اور ایک بچی کا انتقال ریاستی اداروں اور حکومت کے لیے سوالیہ نشان ہے۔
