بلوچستان کے علاقے مستونگ ،مچھ و جیو نی میں دھما کوں سے ایک شخص زخمی ہوگیا جبکہ پسنی میں کوسٹ گارڈ کے کیمپ پر مسلح افراد نے حملہ کیا ہے۔
مستونگ اور مچھ میں 3 دھماکو ں کی آوازیں سنی گئیں اور فورسزو مسلح افراد کے درمیان فائرنگ کے تبادلے کی اطلاعات ملی ہیں۔
دھماکے سے ایک شخص زخمی ہوگیا۔
پولیس کے مطابق مچھ بازار میں دھماکہ ہوا جس کے نتیجے میں ایک شخص زخمی ہوگیا۔
دھماکے کی آواز دور دور تک سنی گئی۔
دھماکے سے علاقے میں خوف و ہراس پھیل گیا ۔
مقامی انتظامیہ موقع پر پہنچ کر علاقے کو گھیرے میں لیکر شواہد اکٹھے کرلئے تاہم دھماکے کی نوعیت کا معلوم نہیں ہوسکا۔
اسی طرح مستونگ کے علاقے میجر چوک کے قریب یکے بعد دیگرے دو دھماکوں کی زور دار آوازیں سنی گئیں۔ اور مسلح افراد سیکورٹی فورسز کے درمیان فائرنگ کے تبادلے کی اطلاعات موصول ہوئیں تاہم کسی جانی و مالی نقصان کی اطلاع نہیں ملی۔
مزید کارروائی مقامی انتظامیہ کررہی ہے۔
دوسری جانب گوادر کے تحصیل پسنی اور جیونی میں دھماکے کے اطلاعات سامنے آئی ہیں۔
جمعہ کی رات بلوچستان کے ساحلی علاقے پسنی میں پاکستان کوسٹ گارڈ کے کیمپ پر دور سے دو انڈر بیرل گرینیڈ لانچر (یو بی جی ایل) فائر کیے گئے ۔
ایک گرینیڈ خالی جگہ پر گر کر پھٹ گیا جبکہ دوسرے کا کچھ پتہ نہیں چلا۔
حملے سے کوئی جانی یا مالی نقصان نہیں ہوا۔
کانٹر ٹیررازم ڈپارٹمنٹ (سی ٹی ڈی)کی ٹیم فوری موقع پر پہنچ گئی اور تفتیش جاری ہے۔
اطلاع کے مطابق جیونی میں بھی آئی ای ڈی دھماکہ کیا گیا ۔
بتایا جاتا ہے کہ دھماکہ ایک گاڑی پر کیا گیا ۔
