بلوچ لبریشن آرمی( بی ایل اے) کے ترجمان جیئند بلوچ نے میڈیا کو جاری کردہ اپنے ایک پریس ریلیز میں پاکستانی فوج پر 4 حملوں کی ذمہ داری قبول کرلی ہے۔
ترجمان نے کہاکہ بلوچ لبریشن آرمی کے سرمچاروں نے پنجگور، گوادر اور کیچ کے علاقوں میں چار مختلف حملوں میں قابض پاکستانی فوج کو نشانہ بناکر شدید نقصانات سے دوچار کیا۔
ان کا کہنا تھا کہ بلوچ لبریشن آرمی کے سرمچاروں نے گذشتہ شب پنجگور میں رخشان پل کے مقام پر قائم قابض پاکستانی فوج کے پوسٹ پر حملہ کرکے قابض فوج کے پوزیشنز پر راکٹ لانچر سے متعدد گولے داغے اور خودکار ہتھیاروں کا استعمال کیا۔ حملے میں قابض فوج کے دو اہلکار ہلاک اور کم از کم پانچ زخمی ہوگئے۔
انہوں نے کہا کہ بلوچ لبریشن آرمی کے سرمچاروں نے 13 نومبر کو پنجگور کے علاقے راہی نگور میں قابض پاکستانی فوج کے پوسٹ کو ایک حملے میں نشانہ بنایا جس کے نتیجے میں قابض فوج کو نقصانات کا سامنا کرنا پڑا۔ سرمچاروں کے ایک اور دستے نے قابض کی جانب سے نصب کردہ جاسوس کیمروں کو نشانہ بناکر تباہ کردیا۔
بیان میں کہا گیا کہ بلوچ لبریشن آرمی کے سرمچاروں نے دس نومبر کو گوادر کے علاقے پسنی میں شادی کور کے مقام پر قائم قابض پاکستانی فوج کے مرکزی کیمپ کو حملے میں نشانہ بناکر نقصانات سے دوچار کیا۔
انہوں نے کہا کہ ایک اور حملے میں، بلوچ لبریشن آرمی کے سرمچاروں نے 7 نومبر کو کیچ کے علاقے سامی کلگ میں قابض پاکستانی فوج کے ایک پوسٹ کو حملے میں نشانہ بنایا جس میں قابض فوج کو نقصانات کا سامنا کرنا پڑا۔
آخر میں ان کا کہنا تھا کہ بلوچ لبریشن آرمی مذکورہ حملوں کی ذمہ داری قبول کرتی ہے۔
