بلوچستان کے ضلع کیچ کے مرکزی شہر تربت میں سی پیک شاہراہ ایم 8 پر بلیدہ کراس کے مقام پر پاکستانی سیکورٹی فورسز کی نہتے نوجوانوں پر فائرنگ سے ایک ہلاک اور ایک زخمی ہوگیا۔
کہا جارہا ہے کہ واقعہ فورسز کی چیکنگ کے دوران پیش آیاجہاں فورسز نے موٹر سائیکل پر سوارنہتے نوجوانوں کو بھاگنے کے الزام پر فائرنگ کا نشانہ بنایا۔
سرکاری اطلاع کے مطابق فائرنگ کے نتیجے میں عبیداللہ ولد بشام ساکن ہوشاپ موقع پر ہلاک ہوگئے جب کہ ان کا ساتھی جنید ولد غفور سکنہ ہوشاپ زخمی ہوا۔
نعش اور زخمی کو علاج اور ضروری کارروائی کے لیے ٹیچنگ ہسپتال تربت منتقل کردیا گیا۔
دوسری جانب مند میں فائرنگ کے ایک اور واقعے میں ماجد ولد شاہ میر نامی نوجوان کو نامعلوم مسلح افراد نے زخمی کردیا جنہیں طبی امداد کے لیے ہسپتال منتقل کیا گیا۔
