بلوچستان کے ساحلی شہر پسنی میں سندھی ماہی گیروں پر مبینہ تشدد کے خلاف ایڈیشنل سیشن جج گوادر کے حکم پر اسسٹنٹ ڈائریکٹر فشریز پسنی یونس قمبرانی اورایک فشریز اہلکار کے خلاف پسنی پولیس نے ایف آئی آر درج کرلی۔
; ایڈیشنل سیشن جج گوادر نے پسنی میں سندھی ماہی گیروں پر مبینہ تشدد کے الزام میں اسسٹنٹ ڈائریکٹر فشریز پسنی یونس قمبرانی اور فشریز اہلکار محبوب قمر کے خلاف سخت ایکشن لیتے ہوئے ایس ایچ او پسنی کو فوری طور پر ایف آئی آر درج کرنے کا حکم جاری کیا ہے۔
ذرائع کے مطابق عدالتی حکم کے فوراً بعد پسنی پولیس نے یونس قمبرانی اور فشریز اہلکار کے خلاف ایف آئی آر نمبر 87/25 زیر دفعات 337/506/342/24 ت پ درج کر لی ہے۔
واضح رہے کہ سندھی مای گیرون نے الزام عائد کیا تھا کہ اسسٹنٹ ڈائریکٹر فشریز نے اپنے ماتحت اہلکار کے ساتھ مل کر اُنھیں غیرقانونی طور پر جڈی ہور کے مقام پر تشدد کا نشانہ بنایا ہے اور ان پر تشدد کیا گیا اور غیر قانونی طور پر ہراساں کیا گیا ۔
اس معاملے پر عدالت نے نوٹس لیتے ہوئے فوری کارروائی کا حکم دیا، جس پر پولیس نے ایکشن لیا۔
سندھی ماہی گیروں کی جانب سے وکیل عارف بلوچ نے مقدمہ کی پیروی کی۔
