پاکستان کے صوبہ خیبرپختونخوا کے ضلع ہنگو میں بم دھماکے میں ایس پی آپریشن اسد زبیر سمیت3 پولیس اہلکار ہلاک ہوگئے ہیں۔
سٹی تھانہ ہنگو میں تعینات پولیس اہلکار محمد طائف کے مطابق ہنگو کے ہی علاقے غلمینہ نامی چیک پوسٹ کو شرپسندوں نے بارودی مواد سے نشانہ بنایا۔ واقعے کی اطلاع ملنے پر ایس پی آپریشن اسد زبیر نفری کے ساتھ جائے وقوعہ کی جانب روانہ ہوئے۔
پولیس کے مطابق اسی دوران راستے میں ایس پی آپریشن کی گاڑی کو آئی ای ڈی کی مدد سے نشانہ بنایا گیا، جس کے نتیجے میں ہونے والے دھماکے میں ایس پی سمیت تین اہلکار موقع پر ہلاک ہو گئے۔
پولیس کے مطابق واقعے کے بعد علاقے میں سکیورٹی سخت کر دی گئی ہے اور پولیس دہشت گردوں کی گرفتاری کے لیے سرچ آپریشنز جاری رکھے ہوئے ہے۔
