بلوچستان کے مرکزی شہر کوئٹہ کے گنجان آباد علاقے نواں کلی میں طیارہ گرنے کی تصدیق آئی ایس پی آر نے کرتے ہوئے کہا کہ یہ پاکستانی فوج کا ایک تربیتی طیارہ تھا جو حادثے کا شکار ہو کر گر کر تباہ ہوگیا ہے۔
اس سے قبل ہم تک پہنچنے والی خبرمیں یہ کہاگیا تھا کہ حادثے کا شکار ہونے والا ایک ہیلی کاپٹر تھا جو کہ اب اس کی تصدیق ہوگئی ہے کہ یہ ایک تربیتی فوجی طیارہ تھا۔
پاکستان فوج کے ترجمان ادارے آئی ایس پی آر کے مطابق بلوچستان کے دارالحکومت کوئٹہ کے قریب پاکستانی فوج کے ایوی ایشن کا مشاق تربیتی طیارہ گر کر تباہ ہونے سے دو پائلٹس ہلاک ہو گئے ہیں۔
آئی ایس پی آر کے مطابق نواں کلی کے علاقے میں پیش آنے والے حادثے میں ہلاک ہونے والوں میں میجر حسنین شہزاد ہمایوں اور کیپٹن عبد الصمد شامل ہیں۔
میجر حسنین ہمایوں انسٹرکٹر پائلٹ جبکہ کیپٹن عبدالصمد سٹوڈنٹ پائلٹ تھے۔
