بلوچستان کے علاقے مستونگ میں پاکستانی فورسز پرآئی ای ڈی حملے کی اطلاعات ہیں۔
ذرائع کا کہنا ہے کہ مستونگ کے علاقے مراؤ میں پاکستانی فورسز کے بم ڈسپوزل اسکواڈ کو دیسی ساختہ بم سے نشانہ بنایا گیا۔
حملے کے نتیجے میں ہلاکتوں کی اطلاعات سامنے آرہی ہیں۔
بلوچستان میں فورسز پر یہ آج دوسرا حملہ ہے، اس سے پہلے ضلع کیچ کے علاقے بالگتر میں فورسز کی جیب کو نشانہ بنایا گیا تھا۔
ذرائع کا کہنا ہے کہ کرکی کے علاقے میں بارودی سرنگ کے حملے میں ایک پاکستانی فوجی ہلاک اور دوسرا زخمی ہوگیا۔
ابتدائی رپورٹس بتاتی ہیں کہ اہلکاروں کو پیکٹ سیکیورٹی فراہم کرتے ہوئے نشانہ بنایا گیا۔
اب تک ان حملوں کے حوالے سے فورسز حکام کا کوئی موقف سامنے نہیں آیا اور نہ ہی کسی تنظیم نے ان حملوں کی ذمہ قبول کرلی ہے۔
