بلوچستان کے علاقے کچھی میں شاہراہ بختیارآباد اور حاجی شہر کے قریب دوران گشت پاکستانی فورسز کی گاڑی پر نا معلوم مسلح افراد نے فائرنگ کی جس سے 2 اہلکاروں کے زخمی ہوگئے۔
واقعہ کے بعد سیکورٹی فورسز نے علاقے کاگھرائو کر لیا۔
سرکاری ذرائع کے مطابق ضلع کچھی کے علاقے بختیاراباد اور حاجی شہر کے درمیانی ایریا دوسہ لاشاری موڑ کے مقام پر مین قومی شاہراہ پر گزشتہ شب نا معلوم مسلح افراد نے سیکیورٹی فورسز کی پٹرولنگ گاڑی پر فائرنگ کی گئی فائرنگ کے نتیجے میں دو سیکیورٹی اہلکار زخمی ہوگئے۔
ذرائع نے دعویٰ کیا فورسزکی جوابی فائرنگ سے نا معلوم مسلح افراد فرار ہوگئے۔
واقعہ کے بعد سیکورٹی فورسز نے پورے علاقے گھراؤ کرکے سرچ آپریشن شروع کردیا تاہم اس سلسلے میں کسی قسم کی گرفتاری کی اطلاعات موصول نہیں ہو سکی ۔
