بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں بالگتر میں پاکستان آرمی کے پوسٹ پر قبضہ سمیت 14 فوجی اہلکاروں کی ہلاکت اور ان کی اسلحات و دیگر فوجی ساز و سامان ضبط کرنے کی ذمہ داری قبول کرلی۔
ترجمان نے کہا کہ اس محرکہ میں تنظیم کی قربان یونٹ کے سرمچار عبداللہ معیار عرف سوغات شہید ہوئے۔ شہید کو خراج عقیدت پیش کرتے ہیں۔
انہوں نے کہا کہ بلوچستان لبریشن فرنٹ کے سرمچاروں نے 7 اکتوبر کی شام 5:00 بجے بالگتر کے علاقے تش میں چین۔پاکستان اقتصادی راہداری پر واقع قابض پاکستان آرمی کی ایک پوسٹ پر جدید اور بھاری ہتھیاروں سے ایک بڑا حملہ کیا جو تین گھنٹے سے زائد جاری رہا۔ سرمچاروں نے کامیابی کے ساتھ چوکی پر قبضہ کرکے وہاں موجود اسلحہ اور دیگر فوجی ساز و سامان اپنے قبضے میں لے لیا۔ اس منظم حملے کے نتیجے میں قابض فوج کے چودہ اہلکار ہلاک اور چار شدید زخمی ہوئے۔
ان کا کہنا تھا کہ پوسٹ پر سرمچاروں کے قبضے کے بعد قابض فوج کی مدد کے لیے پنجگور سے فوج کی کوئیک رسپارنس فورس کی چار گاڑیاں حملے کے مقام کی طرف روانہ کی گئیں جن کو دو کواڈ کاپٹر اور سرویلینس ڈرون کیمرے کی فضائی کمک حاصل تھی لیکن سرمچاروں نے بہترین جنگی حکمت عملی اپناتے ہوئے گھات لگا کر کوئیک رسپارنس فورس کو نشانہ بنایا جس کے نتیجے میں فوجی اہلکار پسپا ہونے پر مجبور ہوگئے جبکہ دوران کاروائی سرمچاروں نے دو کواڈ کاپٹر اور ایک سر ویلینس ڈرون کیمرے کو بھی مار گرایا۔ اس کامیاب کاروائی میں تنظیم سے منسلک قربان یونٹ کا ایک قابل، لائق اور دلیر ساتھی عبداللّہ معیار عرف سوغات بہادری سے لڑتے ہوئے شہادت کے مرتبے پر فائز ہوئے۔
بیان میں کہا گیا کہ شہید عبداللہ معیار ایک سال قبل تنظیم میں شامل ہوئے تھے اور اپنی محنت، جفاکشی اور جنگی مہارت کی وجہ سے تنظیم کے صف اول کی یونٹ قربان یونٹ کا حصہ بن گئے۔
انہوں نے کہا کہ شہید عبداللہ معیار نے تنظیم کے کئی اہم معرکوں میں حصہ لیا اس نے تربت، پروم، کولواہ،گورکوپ، جھاو، شاپک اور بالگتر میں خدمات سر انجام دی اور بالگتر کے اہم معرکے میں جام شہادت نوش کی۔
ترجمان نے کہا کہ تنظیم قومی آزادی کے لئے قربان ہونے والے شہید عبداللہ معیار عرف سوغات کو خراج تحسین پیش کرتی ہے ہمارے شُہداء کا مقصد بلوچستان کی آزادی ہے اور ہم اس مقصد کو حاصل کرنے کے لئے ہر طرح کی قربانی دیکر آزادی کے عظیم مقصد کو حاصل کرلیں گے۔
انہوں نے مزید کہا کہ بی ایل ایف کی کامیاب گوریلا کاروائیوں نے ریاست کو نفسیاتی طور پر شدید اضطراب میں مبتلا کردیا ہے اور سی پیک روٹ پر قائم قابض فوج کو نشانہ بنانا تنظیم کی جنگی صلاحیتوں اور حکمت عملیوں کا ثبوت ہے۔
ان کا کہنا تھا کہ قابض بزدل فوج بلوچستان میں نفسیاتی طور پر اتنی شکست خوردہ ہے کہ وہ اپنے ہلاک ہونے والے فوجیوں کو قبول کرنے کو تیار نہیں ہے جو ان کی شکست کا اہم ثبوت ہے۔
بیان میں کہا گیا کہ بلوچستان لبریشن فرنٹ بالگتر میں قابض پاکستانی فوجی چوکی پر قبضہ کرکے چودہ اہلکاروں کو ہلاک، چار کو زخمی اور ان کا اسلحہ ضبط کرنے کی ذمہ داری قبول کرتی ہے اور اس عزم کو دہراتی ہے کہ آزاد بلوچستان کے حصول تک قابض دشمن کے خلاف منظم حملے جاری رہینگے
آخر میں انہوں نے کہا کہ تنظیم شہید عبداللہ معیار عرف سوگات کو قومی آزادی کی راہ میں شہادت پر خراج عقیدت پیش کرتی ہے۔
