بلوچستان کے ضلع خاران کے علاقے لجے میں آج بروز جمعرات کوصبح نامعلوم مسلح افراد نے حکومتی حمایت یافتہ مسلح گروہ کے سربراہ، حافظ ممتاز، کے ٹھکانے پر حملہ کیا۔
مقامی ذرائع کے مطابق حملے میں 4 افراد ہلاک اور 5سے 6 دیگر افراد کو اغواء کر لیا گیا۔
ہلاک ہونے والوں کی شناخت جنگی خان، سید خان، حسرت اور ثناء اللہ کے ناموں سے ہوئی ہے۔
کہا جارہا ہے کہ حافظ ممتاز نامی شخص جس کی قیادت میں یہ گروہ کام کرتا ہے، عوام میں “ڈیٹھ اسکواڈ” کے نام سے جانا جاتا ہے۔
اب تک کسی نے حملے کی ذمہ داری قبول نہیں کی، ماضی میں ان جیسے حملوں کی ذمہ داری بلوچ آزادی پسند مسلح تنظیمیں قبول کرتے آرہے ہیں۔
