پاکستان کے دارلحکومت اسلام آباد میں بلوچ یکجہتی کمیٹی کے رہنماؤں کی رہائی اور بلوچستان میں جبری گمشدگیوں کے خاتمے کے مطالبے پر بلوچ خاندانوں کا پرامن دھرنا 53 ویں روز بھی جاری رہی ۔
مظاہرین میں مائیں، بیٹیاں، بزرگ اور بچے شامل ہیں جو سخت موسم، بارش اور گرمی کے باوجود اپنے احتجاج کو جاری رکھے ہوئے ہیں۔
لواحقین کا کہنا ہے کہ ان کے مطالبات صرف اپنے پیاروں کی بازیابی اور انصاف کا حصول ہیں۔
احتجاجی شرکاء کے مطابق اب تک نہ تو حکومت نے کوئی مؤثر اقدام کیا ہے اور نہ ہی مرکزی ذرائع ابلاغ نے ان کے مطالبات پر خاطر خواہ توجہ دی ہے۔
اس کے باوجود اہلخانہ کا کہنا ہے کہ وہ اپنے احتجاج سے پیچھے نہیں ہٹیں گے۔
