پاکستانی فورسز نے دعویٰ کیا ہے کہ کراچی سے ٹی ٹی پی اور القاعدہ سے تعلق رکھنے والے 5 عسکریت پسندوں کو گرفتار کرلیا گیا ہے۔
پاکستانی میڈیا کے مطابق سی ٹی ڈی سندھ نے حساس اداروں کے ساتھ مل کر کراچی کے علاقوں منگھوپیر اور کشمیر روڈ پر کارروائیاں کیں جس کے نتیجے میں ٹی ٹی پی اور القاعدہ برصغیر کے 5 عسکریت پسندوں کو گرفتار کرلیا۔
ترجمان سی ٹی ڈی نے بتایا کہ گرفتار ملزمان میں تحریک طالبان پاکستان (ٹی ٹی پی) کے اللہ نور اور سرفراز شامل ہیں جب کہ سلیم، جہانزیب اور امداداللہ کا تعلق القاعدہ سے ہے۔
ترجمان نے دعویٰ کیا کہ گرفتار عسکریت پسند پڑوسی ملک سے عسکری تربیت یافتہ ہیں اور کراچی میں عسکریت پسندی کی منصوبہ بندی کررہے تھے، ان کے قبضے سے غیر قانونی اسلحہ بھی برآمد ہوا ہے۔
انہوں نے مزید بتایا کہ ملزمان کےخلاف تھانہ سی ٹی ڈی میں مقدمات درج کر لیے گئے ہیں۔
