یمن کے دارالحکومت صنعا میں اسرائیلی حملوں میں حوثی اکثریتی تنظیم انصار اللّٰہ کے وزیرِ اعظم احمد غالب الرہوی ہلاک ہو گئے۔
انصار اللّٰہ کی جانب سے وزیرِ اعظم احمد غالب الرہوی کے ہلاک ہونے کی تصدیق کی گئی ہے۔
جمعرات کو ہوئے اسرائیلی حملوں میں انصار اللّٰہ کے کئی حکومتی وزراء بھی مارے گئے، اسرائیلی حملوں کے وقت حکومتی کابینہ کا اجلاس ہو رہا تھا۔
واضح رہے کہ اسرائیلی فوج نے حوثی اکثریتی جماعت انصار اللّٰہ کے متعدد رہنمائوں کو نشانہ بنانے کا دعویٰ کیا تھا۔
یمنی میڈیا کے مطابق جمعرات کو دارالحکومت صنعا پر اسرائیل کی جانب سے متعدد حملے کیےگئے تھے۔
خبر ایجنسی کے مطابق اسرائیلی فوج نے حملوں میں حوثی اکثریتی جماعت انصار اللہ کے متعدد رہنماؤں کو نشانہ بنانےکا دعویٰ کیا تھا تاہم حوثیوں کی وزارت دفاع نے اسرائیلی حملوں میں قیادت نشانہ بننے کی تردید کرتے ہوئے غزہ میں نسل کشی اورفلسطینیوں کوفاقہ کشی سے مارنے والوں کے خلاف کاروائی جاری رکھنے کااعلان کیا تھا۔
یمنی میڈیا کے مطابق اسرائیلی حملوں میں انصار اللہ کے وزیراعظم احمد غالب الرہوی سمیت کئی وزرا ہلاک ہوگئے ہیں جس کی انصاراللہ نےبھی تصدیق کر دی ہے۔
رپورٹ کے مطابق اسرائیلی حملوں کے وقت حکومتی کابینہ کا اجلاس ہو رہا تھا۔
یاد رہے کہ اسرائیلی فوج نے آج تازہ حملوں میں حوثیوں کے اہداف اور حوثی اکثریتی جماعت انصار اللہ کے متعدد رہنماؤں کو نشانہ بنانےکا دعویٰ کیاتھا۔
اسرائیلی فوج نے یمن پر 4 روز قبل بھی فضائی حملے کیے تھے جس کے نتیجے میں 10 افراد ہلاک جبکہ 90 سے زائد زخمی ہوئے تھے۔
