ڈاڈائے قوم شہید نواب اکبر خان بگٹی کی 19 ویں یوم شہادت پر بلوچ ریپبلکن پارٹی کے سربراہ نواب براہمدغ بگٹی نے جاری کردہ بیان میں کہا ہے کہ انیس سال قبل، دشمن نے شہید نواب اکبر بگٹی کو خاموش کرنے کی کوشش کی، مگر وہ ناکام رہے۔ اُن کی قربانی نے وہ راستہ تراشا جس پر آج ہم گامزن ہیں، اُن کی روح ہر جدوجہد میں سانس لیتی ہے، اور اُن کا خواب ہر بلوچ کے دل کی دھڑکن میں زندہ ہے۔
بی آر پی کے سربرہ کا مزید کہنا تھا کہ شہید نواب اکبر بگٹی نے دشمن کے سامنے سر جھکانے کے بجائے قوم و سرزمین پر قربان ہونے کو چُنا۔ اُن کی مزاحمت کا چراغ آج بھی ہماری راہوں کو منوّر کیے ہوئے ہے۔
ان کا مزید کہنا تھا کہ شہید نواب اکبر بگٹی کا باوقار بلوچ قوم کے خواب کو اپنے ساتھ لیے ہوئے ہم حوصلے کے ساتھ آگے بڑھ رہے ہیں۔
