بلوچ یکجہتی کمیٹی کیچ ہنکین کی جانب سے ذیشان زہیرشہید کی یاد میں پیر کی شام شہید فدا چوک تربت میں ایک یادگاری کینڈل واک کا اہتمام کیا گیا ۔
جس میں شرکا نے شہید کی تصاویر پر شمعیں روشن کیں اور پھول چڑھائے۔
کینڈل واک کا آغاز ایڈووکیٹ گلی سے ہوا جہاں سے شرکا خاموشی کے ساتھ شہید فدا چوک تک مارچ کرتے ہوئے ذیشان زہیر شہید کو خراجِ عقیدت پیش کرتے رہے۔ واک کے اختتام پر شہید کی تصاویر کے سامنے شمعیں روشن کی گئیں اور پھول نچھاور کیے گئے۔
اس موقع پر بی وائی سی کیچ ہنکین کے مرد و خواتین کارکنان سمیت عام شہریوں کی بڑی تعداد نے شرکت کی۔
یاد رہے کہ بی وائی سی پنجگور کے سرگرم کارکن ذیشان زہیر کو رواں ماہ پنجگور میں مبینہ طور پر ڈیتھ اسکواڈ کے اہلکاروں نے لاپتہ کرنے کے فوری بعد قتل کر دیا تھا اور ان کی لاش سڑک کنارے پھینک دی گئی تھی۔
ذیشان زہیر اپنے لاپتہ والدزہیر احمد کی طویل گمشدگی سمیت دیگر لاپتہ افراد کی بازیابی کے لیے بھی سرگرم رہے تھے۔
