بلوچستان کے ضلع کیچ کے مرکزی شہر تربت میں پاکستانی فورسز نے مزید ایک نوجوان کو حراست میں لیکر جبری طور پر لاپتہ کردیا ہے۔
واضع رہے کہ اس سے قبل ضلع کیچ اور ضلع گوادر سے فورسز نے 5 نوجوانوں کو حراست میں لینے کے بعد جبری طور پر لاپتہ کر دیا تھا۔
واقعہ گذشتہ روز تربت کے علاقے سنگانی سر میں دو پہر کو پیش آیا۔
جبری گمشدگی کا نشانہ بنائے گئے نوجوان کی شناخت سفیان ولد غلام رسول صوفی کے نام سے ہوئی ہے۔
علاقائی ذرائع کے مطابق فورسز نے سنگانی سر میں چھاپہ مار کر سفیان کو حراست میں لیا اور نامعلوم مقام پر منتقل کر دیا جس کے بعد سے ان کا کوئی سراغ نہیں ملا ہے۔
