پاکستان کے صوبہ خیبرپختونخوا کے ضلع کرم کے سرحدی علاقے حسین میلہ میں نامعلوم مسلح افراد نے پاکستانی فورسز کی چیک پوسٹ پر حملہ کردیا جس کے نتیجے میں 2 اہلکار ہلاک اور 7 زخمی ہوگئے۔
ہلاک اہلکاروں میں ایک کی شناخت لانس نائیک سلیم کے نام سے ہوگئی جوموقع پر ہلاک ہوگیاجبکہ ایک دوران علاج زخموں کی تاب نہ لاتے ہوئے دم توڑ گیا۔
زخمیوں میں حوالدار موالی خان ، حوالدار جہاد حسین طوری ، لانس نائیک یوسف ، سید ایوب ، سپاہی ابرار ، سپاہی عثمان ، نائب صوبیدار جاوید حسین شامل ہیں جنہیں ہیلی کاپٹر کے ذریعے پشاور منتقل کر دیا گیا۔
فورسز حکام نے دعویٰ کیا ہے کہ واقعے کے بعد فورسز نے ایک حملہ آور کو گرفتار کرلیا ، تاہم دیگر حملہ اور فرار ہونے میں کامیاب ہوگئے۔
