بلوچستان کے مرکزی شہرشال ( کوئٹہ) کے علاقے کلی منگلہ تھانہ ہنہ اوڑک کے حدود میں بم دھماکے سے 2 افراد ہلاک اور متعدد زخمی ہوگئے ۔
لاشوں اور زخمیوں کو سول ہسپتال کوئٹہ منتقل کردیاگیا۔
ہلاک ہونیوالوں کی شناخت عبدالسلام ولد عبداللہ کاکڑ سکنہ کلی منگل ہنہ، عبدالنافع ولد عبد اللہ کاکڑ سکنہ کلی منگل ہنہ کے ناموں سے ہوگئی ہے۔ جبکہ زخمیوں میں جانان ولد پائند خان ترکئی سکنہ کلی حاجی سلام ہنہ، سیف الرحمان ولد نصیب اللہ کاکڑ سکنہ ہنہ، سمیع اللہ ولد عبدالمنان نامعلوم سکنہ ہنہ، ذبیح اللہ نامعلوم، محمد آصف ولد فدا محمد عیسیٰ خیل سکنہ ہنہ، نصیب اللہ ولد سلطان شاہ خلجی سکنہ ایئر پورٹ، جمیل احمد ولد عبد المنان قوم کاکڑ سکنہ کلی منگل ہنہ شامل ہیں۔
دھماکے کے حوالے تاحال حکا م کی موقف سامنے نہیں آسکی اور نہ کسی تنظیم نے اس حملے کی ذمہ داری قبول کرلی۔
