بلوچستان کے مرکزی شہر شال سے پاکستانی فورسز نے ایک بلوچ خاتون کو جبری طور پر لاپتہ کردیا ہے۔
خاتون کی شناخت ماجبین غلام مصطفی کے نام سے ہوئی ہےجو ایک طالب علم ہیں۔
جبری گمشدگی کا نشانہ بنائے گئے خاتون کا تعلق واشک کے علاقے بسمیہ سے بتایا جا رہا ہے جو بلوچستان یونیورسٹی میں بی ایس لابرئیری سائنسیز ڈیپارٹمنٹ میں زیرِ تعلیم ہیں۔
ذرائع کا کہنا ہے کہ واقعہ آج صبح 29مئی 3 بجے پیش آیا جہاں سی ٹی ڈی اورایم آئی اہلکار خاتون کو سول ہسپتال سے حراست میں لیکر اپنے ساتھ لے گئے جس کے بعد اس کی کوئی خبر نہیں ہے۔
