بلوچستان کے علاقے قلعہ عبداللہ میں دو گروپوں میں تصادم کے دوران فائرنگ کے نتیجے میں 2افراد ہلاک اور 4 زخمی ہوگئے۔
مقامی انتظامیہ موقع پر پہنچ گئی، علاقے کو گھیرے میں لیکر زخمیوں اور نعشوں کو ہسپتال منتقل کردیا۔
اسسٹنٹ کمشنر گلستان عزیز کاکڑ کا کہنا ہے کہ تحصیل گلستان میں ایک قبیلے کے دو گروپوں میں مسلح تصادم ہوا۔
تصادم کے نتیجے میں 2 افراد ہلاک اور 4 زخمی ہوئے۔
ہلاک ہونے والوں میں ایک شناخت حضرت کے نام سے ہوئی ہے تاہم دوسرے شخص کی شناخت نہیں ہوسکی۔
زخمیوں کو ہسپتال منتقل کردیا گیا۔
مزید کارروائی مقامی انتظامیہ کررہی ہے۔
