بلوچ یکجہتی کمیٹی کے رہنمائوں کی رہائی کےلئے بی این پی مینگل کا دھرنا مستونگ میں چلتن کے دامن میں لکپاس کے مقام پر گذشتہ تین ہفتوں سے جاری ہے ۔
گذشتہ روزدھرنا گاہ میں بی این پی کے مرکزی ایگزیکٹو کمیٹی کا اجلاس دن 12 بجے پارٹی سربراہ سردار اختر جان مینگل کی زیر صدارت منعقد ہوا ۔
طویل اجلاس رات ساڑھے آٹھ بجے اختتام پذیر ہوا۔
اجلاس میں لکپاس دھرنا خواتین کی ماورائے آئین گرفتاری بلوچستان کے مخدوش صورتحال پر تبادلہ خیال ہوا۔
پارٹی کے سینٹرل ایگزیکٹو کمیٹی اجلاس میں مشاورت ہوئی،دھرنا جاری رکھا جائے یا تحریک کو کوئی اور شکل میں استوار کیا جائے۔
ذرائع کے مطابق بی این پی کے سینٹرل کمیٹی میں مشاورت مکمل ہوگئی ہے اورآج صبح بروزبدھ بی این پی اور جہد میں شامل ہونے والے والے مقامی قبائل کے ہمراہ پریس کانفرنس کرکے عوام کو فیصلوں سے آگاہ کیا جائے گا۔
پارٹی کی مرکزی قیادت اور قبائلی نواب و سرداروں کے ساتھ کل آج 12 بجے اہم فیصلے کا اعلان کیا جائیگا۔
پریس کانفرنس میں آئندہ کا لائحہ عمل کا بھی اعلان کیا جائے گا۔
